उत्तराखंड कून खन आब ज्वॉन हैगौ
उत्तराखंड कून खन आब ज्वॉन हैगौ
योंका युवाका न्यौति यौलै परेशान हैगौ।
हर साल जन्मबार मे खूब प्रोग्राम भया
बिकासा स्युना सालो बाद लै स्युना रया
आम आदमी वां निचोडियो निमवा हैगौ
उत्तराखंड कून खन आब ज्वॉन हैगौ।
राजधानी कौं हो यो सालो बठि चर्च छन
कैथे टेम नहा मूलभूत जरुरतो चर्च खन
भीतरे भीतर भलि कैं यो खोखलो हैगौ
उत्तराखंड कून खन आब ज्वॉन हैगौ।
कक्या भाई कि सारि बारि सरकार हैरे
शैद नया विकल्पे यौलै आब दरकार हैरे
सेठ भया राजा योंका गरीब प्रदेश हैगौ
उत्तराखंड कून खन आब ज्वॉन हैगौ।
जागि जा यो युवा उत्तरांखड बचुनौ छ
देवभूमि आब "विकी" सबोलै सजुनि छ
नया सोचैलै अघा बढ़ो आब जिलै हैगौ
उत्तराखंड कून खन आब ज्वॉन हैगौ।
टिप्पणियाँ
एक टिप्पणी भेजें