जमाना बदल रहा है पर पहाड कि हालत खराब होती जा रही है पुरांणि पीढ़िक असज

 जमाना बदल रहा है पर पहाड कि हालत खराब होती जा रही है 

"पुरांणि पीढ़िक असज......."

कस  जै  बख़्त  य  आय   नैरंणा
मनखीं यौं गौंनू का हराय नैरंणा
न्है गयीं माम सबै  दिल्लि नैरणां 
माव  का गुड़ चांण स्वैणां नैरणां
बिलैति मिट्ठेल गटृखाय नैरंणा
क्वटा  क  मांस  लै हराय नैरंणा
आपुं  घरु का र्वाट लै टूट नैरंणा
दिल्लि मुम्बई  बांणि खुट नैरंणा
तौल कस्यार सबै बेचाय नैरंणा
कुढ़ी का भकार लै हराय नैरंणा
लिंटरिया मकान  बंणाय  नैरंणा
गोरु  बाछ पाठ् लै हराय नैरंणा
बांज है   गया पुरांण बाट नैरंणा
गौंनू  गौनू गाड़ि  टुटाट्  नैरंणा

संजैति  काम  लै  खराय   नैरंणा

टेन्ट कैटरर नई नई आय नैरंणा

पंचघति पाथर ल्यांण छुट नैरंणा

कोपरेटिव कसजै आय य  नैरंणा

बिरादरीक्  मामुत लै टुट नैरंणा

आपुं आपुं कुढ़ि यास ऐठ  नैरंणा

दै दूद बांटणि मैस निरया नैरंणा

जैदिन बटि बाजारि भया नैरंणां

भिनेर  सांटण भुलि गाय  नैरंणा

सलाई क आंठ घर आयीं नैरंणा

ठुलठुलि विद्या झगड़ैकाव नैरंणा

घरम  करम सब्बू क गाव नैरंणा

गोल ज्यू थान  हैं नि चाय् नैरंणा

थान क पू छऊ लै नि राय नैरंणा

बेढ़ू  लेसू  कौंणि नि  खाय नैरंणा

क्यार खुपाव जब्बै बंजाय नैरंणा

बुढ बाणि सयांण नि  रया नैरंणा

लाज  शरम  न्है गे दिबाव नैरंणा

शराबि जालिभाय मनखि नैरंणा

लाट  काल दिन छीं  भाल नैरंणा